الخميس، 27 مايو 2010
هي فوضى
مش
ذنبه
إنه
كان
ولد
مهموم
بمصر
يعرف يقول لكن خرس
لمَّا الحرس
نصبوا شباكهم عَلـْ
الجبين
"أمانه يا نـيـل
يافارد
قلوعك
يا عاشق حكايتك
ياكاتم دموعك
تبوح بالمعاد
واسوقلك غناي عروسه وميلاد
واغني بميلادك فـكل البلاد
هي
الوشوش
متبعتره
أدوار هزيله مكسره
هي
فوضى
واحنا فوضى
قلوب كتير
متكتفه
ومزيفه
لكن حقيقي علـْ ورق متكلفه
مش
ذنبه
إنه
كان
ولد
مهموم
بمصر
يانيل النجاشي مرض لم تعوده
وزاده أنينك شجن صحا عوده
وقاملك وغنا
ونادر
صبيه
ليشتد عوده
مش بس مفطوم علـ غنا
لكن عنيد
جواه كبير
بس الحدود
منغمشة بنفس السؤال
ليه الأغاني ممكنه
ومش ممكنه
ليه الأغاني حنينه
ومحزنه
ومخجله
لسه الأغاني معضله
مش
ذنبه
إنه
كان
ولد
مهموم
بمصر
نفض
الغبار عن سكته
وفرد جناحه
لغربته
مهموم
وناوي علـ غنا
لكن
زمانه مسكته
يازراع طريقك بشق النهار
ورافض تغني ف ليل الحصار
يا موال صبيه
يافارس بجد
يا بو قلب أخضر
يا بو حلم أخضر
يا بو حصان مسافر يشق الغبار
يميِّل بحلمه على كل دار
ويدي العديه
ويوفي لصبيه
خاصمها الزمن
مش
ذنبه
إنه
كان ولد
مهموم بمصر
وبنا الهوا
لجل الهوا
وزمان هوا
لكن هوى
الاشتراك في:
تعليقات الرسالة (Atom)
ليست هناك تعليقات:
إرسال تعليق